നന്ദമുരി ഹരികൃഷ്​ണ അപകടസമയത്ത്​ സീറ്റ്​ ബെൽറ്റ്​ ധരിച്ചിരുന്നില്ലെന്ന്​ പൊലീസ്

ന്യൂഡൽഹി: എൻ.ടി രാമറാവുവി​​​​െൻറ മകൻ നന്ദമുരി ഹരികൃഷ്​ണ അപകടസമയത്ത്​ സീറ്റ്​ ബെൽറ്റ്​ ധരിച്ചിരുന്നില്ലെന്ന്​ പൊലീസ്. അ​ദ്ദേഹം അമിത വേഗതയിലാണ്​ കാറോടിച്ചതെന്നും മുതിർന്ന പൊലീസ്​ ഉദ്യേഗസ്ഥൻ അറിയിച്ചു.

റോഡിലെ ഡിവൈഡറിലിടിച്ച്​ അപകടമുണ്ടായ ഉടൻ  ഹരികൃഷ്​ണ കാറിൽ നിന്ന്​ പുറത്തേക്ക്​ തെറിച്ച്​ വീണുവെന്ന്​ നൽഗോണ്ട എസ്​.പി എ.വി രഘുനാഥ്​ അറിയിച്ചു. അപകടത്തി​​​​െൻറ ആഘാതത്തിൽ കാറി​​​​െൻറ ഡോർ തകർന്നാണ്​ അദ്ദേഹം പുറത്തേക്ക്​ തെറിച്ച്​ വീണത്​.  സീറ്റ്​ബെൽറ്റ്​ ധരിച്ചിരുന്നുവെങ്കിൽ അപകടത്തി​​​​െൻറ തീവ്രത കുറക്കാൻ സാധിക്കുമായിരുന്നു. ചിലപ്പോൾ ഹരികൃഷ്​ണയുടെ ജീവൻ തന്നെ രക്ഷിക്കാൻ സാധിക്കുമായിരുന്നുവെന്നും പൊലീസ്​ അറിയിച്ചു.

അതേ സമയം, റോഡ്​ നിർമാണത്തിലെ അപാകതയും അപകടത്തിന്​ കാരണമായെന്നും വാർത്തകളുണ്ട്​. ബുധനാഴ്ച പുലര്‍ച്ചെ​ തെല​ുങ്കാനയിലെ നല്‍ഗൊണ്ടയിൽ നടന്ന റോഡ്​ അപകടത്തിലാണ് നന്ദമുരി ഹരികൃഷ്​ണ മരിച്ചത്​​​.  നെല്ലൂർ ജില്ലയിലെ കവാലിയിൽ വിവാഹത്തിൽ പ​െങ്കടുത്ത്​ ഹൈദരാബാദിലേക്ക്​ മടങ്ങവേ തെലുഗു സിനിമാ താരംകൂടിയായ ഹരികൃഷ്​ണ സഞ്ചരിച്ച കാർ ഡിവൈഡറിൽ ഇടിച്ച്​ മറിയുകയായിരുന്നു.